LA DANZA

LA DANZA Con chaleco de cien picos, faxa colorá y  nueva, los calzones de pedrosu y terciada la montera, arrebálgase Perico  ena danza,  y llancia fuera del pechu ixuxú tan grande que plasma tóa la rueda. Les moces mírenlu tienres, pos ye de xentil presencia, y tien tierruques de suyo y muy bones po la renta. Non hay fusu más derechu, nin boca más pedigüeña, nin centura más lliviana, nin cara más gayaspera, nin güeyos más faladores nin voz más regusta y fresca... en fin, ye tal, que barrunto que utru Perico non hebia. Ye nel mirar más llambión qu' una gata balboniega, y en escurrir picardíes atrás al raposu dexa. Más que diez homes de cuayu fai él solu nun' andecha, y cabruña el so gadañu sin dexai castra de muezca. Fora Sansón un enxencle d' isti rapaz a la vera;                    y anque al añu se tosquila de veces una docena,                   fa¡ ceniza un regodón                  y esmigaya una pertiella, pos más que puños, los suyos son porrones en concencia. Ye nalando un esguín rial, com' un galgu na carrera, y naid' en blincar bardiales i aventaxa en lixereza. Onde afinca el so calcañu nin rastru de tapin queda, y al mirallu con tortoriu el cuayu al más finu tembla. Non sabe lo que ye miéo... po les bones ya una seda, mas po les males... icarape! el que lu busca lu alcuentra. Más molleres se fendieron por querer falar con ella,            que puede cuntar de pelos en so abundante guedeya. Mocáes, trescientos mil;  tellerones, non hay cuenta Más molleres se fendieron Por querer falar con ella que puede cuntar los pelos  en so abundante guedeya Mocáes trescientos mil tellerones non hay cuenta los que se dieron los mozos mil veces á so presencia. ¡Bien lo merez en verdá...! ¿Non ye honra pa cualquiera perder por neña tan guapa les narices ó una oreya? Non va vez á romería que non s'entame quimera y haiga más escalabrotes que cuetes hebo na fiesta. Ansina yera so madre... ¡Dios ena gloria la tenga! y como diz el refrán, «de bon árbol bona estiella». Quierense los dos rapaces  qué muncho ye que se  quieran siendo Perico tan machu y Xuana siendo tan fema? Mas golviamos á la danza, qu'el  diañu, que nunca fuelga, fexo lo que fai mil veces, que á palos se desfixera. Entamen nuevos trebeyos; canta la xente contenta hoy día vale quien tiene, verdá que non tien rempuesta. De la parexa cercanu va Xuanón de la Caleya, muy temíu nel conceyu, pos ye d'entraña muy negra.    Ya vió de cerqu'el focicu más d'una vez en audencia al siñor xuez, po la morde  de cortar co la foceta                les narices, en Andorcio, al fiu de Pín d'Andrea, porque birlando,triólu y estrapallói una deda.              Llocu está d'amor por Xuana;  alloriau cuerre tras d'ella, sin llograr nunca el mazcayu     oilla falar siquiera.

Ya, galvaneros, los mozos, como la flor se ximielga cuando el fresquillín del monte muy sele, al colar la besa, anden pa trás y pa lantre; ya llevanten la cabeza;                ya taramiellen y griten                ó dalgunu s'enduviella                      echando la zancanía                      al so vecín, que na tierra dexa el molde del renaz ó desigua una vaniella.          Ya, lo mesmo que nel prao de xatos una parexa                      reviciando, co los cuernos,        el unu col utru enrieda,               lo mesmo xunt'á Perico              la xente se engarapiella,            y á lluego siguen cantando ¡mal haya una mala llengua!     Él non fa¡ casu de naide; sólo fala co la neña                        que va agarrada del déu              de la so mano derecha.                     Ye blanca como la lleche, nidia como la mantega,  son sos güeyos dos lluceros     y so boca una cereza.                    Tuércese com' una blima cuando el vientu la solmena     y ensiñ' al falar los dientes tan blancos como la perla.         Fa¡ pocinos al reíse                       enos dos papos, y al vela,           no hay home nisti mundo que non quixera mordella. Ye llista com' una xana... trabayadora y artera,    ye una paya la fesoria                   en sos manines de cera. Canta como' una xiblata              la bendita Madalena;                   si un roble podiés oilla                     ponse tienru y empapiella La sangre de sopetón                   púnxosei na cabeza;                     iyeren celos! ¡probitín!                     que güelven llocu á cualquiera. Al mirallos como entrambos gociaben en so presencia, entroi rixu d'entamar                  col so rival una griesca cuando lu vio agachau garrólu pela chaqueta.                Todos los mozos -i dixo- que ves danzando na rueda,     se taracen les coráes                    al vete tanta fachenda.                Dexanos en paz, borricu, sálte á galantiar á fuera, anque pecao mortal                      ye que te escuche esta neña. Non la mereces, porcaz; dime si tienes vergüenza,          ¿á qué mozu d´un tochazu Fixiste besar la tierra? Por exencle non t´apurro metanes ena mollera un  palu qu'en remenducos       te desfaiga la montera                 Fuxe de la danza, pitu,                 que si como das la llengua dieres palos, dau el casu podieres gastar fachenda.- Fartu Perico d'oillu,                      pálidu como la cera,                      blinca p'atrás, y el civiellu fa¡ reflundiar en so diestra. Sin dicéi «voy á purrite», sin avisallu siquiera,                     diói un palu na vidaya                  que lu dexó muertu en tierra Al mirallu retorcese,                     como fai la llargatesa,                  si metanes en el ráu                     sei piega con una piedra, fuxó la xente plasmada; lluego la xosticia llega                 llevando presu á Perico               y al calavre pa la iglesia. Tres años que presu xime; cinco i falten de condena,          y cuando la xente danza llágrimes vierte una neña